如果要選娛樂圈今年十大事，CCTVB公投港姐失敗應該可以上榜。事發CCTVB被人鬧是是但但冇評估到系統係咪負荷到咁多觀眾投票，但CCTVB即刻話唔排除係黑客入侵，令到網絡癱瘓。上星期佢哋終於公佈調查結果，證實黑客入侵論係「子虛烏有」，承認「因投票產生的總流量，遠超於每小時1,280萬預設流量上限，因此導致投票系統癱瘓」。一場鬧劇就此不了了之，唔知觀眾收唔收貨？事發當日全城鬧爆，唔少報章都喺港聞版以顯著篇幅報道。不過上星期CCTVB只係低調傳真出稿畀娛樂版嚟公佈調查結果，唔通因為黑客論唔成立，唔想高調篤爆自己當日低估市民嘅公投意欲？