民建聯上屆立法會有「根Dum」黃容根製造笑料，最經典係掛出跨欄過馬路易傷下體嘅banner嚇窒港男；根叔今屆退下來，「Tree根」鍾樹根破土而出，一句「子『烏』虛有」技驚四座。Tree根大鬧黃毓民做IT Panel主席，連區議會主席嘅質素都冇：身兼東區區議會主席嘅佢質素又如何﹖有東區建制派區議員大爆Tree根當選主席時嘅答謝信內，竟然話「作為民建聯的成員，我們會以民建聯的政治主張建設東區」，公然將區議會當成民建聯地盤，難怪成為自己人笑柄，話暗地裏偏心係一回事，邊有人咁蠢講出嚟？原來Tree根要求嘅主席質素就係咁囉。