隔牆有耳:保皇黨作怪 神秘橫額現大街 - 李八方

隔牆有耳:保皇黨作怪 神秘橫額現大街 - 李八方

喺元朗大街上,近日出現兩款冇政黨logo、齋得口號嘅神秘橫額喎。雖然來歷不明,但八方相信聰明嘅讀者,一睇內容,就知道邊個係始作俑者。其中一條寫住「政治好過癮,你鬧我又鬧;愈鬧愈有癮,香港好熱鬧」,內容同成龍大哥「香港很亂」個tone互相呼應,你話邊個政黨同成龍嘅河蟹政治取向一致吖?另一條疑似針對國民教育嘅橫額,寫住「全人教育是整體,孩子不應政治化」(圖),擺明就係撐國教人士嘅立場啦;斷估都唔係反對洗腦教育嘅泛民中人傑作啩?八方反而好奇怪,如果咁堅持自己立場,何解會驚暴露身份,唔肯落署名同嘜頭咁鬼祟呢?