身為「香港乳癌基金大使」嘅廖碧兒噚日同薛家燕喺山頂出席乳健同行步行籌款，佢哋話預防勝於治療，所以向來都有自我檢查乳房，注意飲食同紓緩壓力，不過現場所見，碧兒拉一拉件衫，發現佢好似飛釘。提到城電主席王維基日前發火，不滿政府遲遲未發牌，碧兒話啱啱喺上海返，加上佢認為演員最重要係拍攝部份，所以冇留意。