盛傳落選副局長嘅「梁粉」何永謙，噚日以前衞生福利局副局長身份，出席第四屆全民退休保障社會論壇，仲特登帶埋狼英本競選政綱，沾沾自喜話有份度2,200蚊特惠生果金。佢雖然口話唔係代表政府，但就不斷猛sell，特惠生果金可以解決長者燃眉之急呀。八方見佢咁巴閉，都想了解下呢2,200蚊究竟點定出嚟呢？佢話係綜援同生果金以外，多一個扶貧措施幫長者喎。咁點解唔係3,000蚊，唔係綜援同生果金加理嘅一半？佢又竟然答唔出。呢個對談，最終要由社聯行政總裁方敏生幫拖打圓場，話既然係扶貧，社聯調查過係要3,100蚊先夠喎。