【本報訊】雖然政府出招後樓市的亢奮情緒已大為冷卻，二手成交即冧五成，但部份用家及換樓勇士仍無懼新辣招，繼續高價搶貨。加碼辣招生效後，荔枝角美孚新邨貴價海景貨不減價，以1380萬元照賣，將軍澳中心有兩房戶以破頂價癲賣。
記者：朱連峰
政府出招後首個周六及日，有地產代理形容樓市再度陷入冰河，成交急凍，部份地區更零睇樓。美聯物業統計的十大屋苑只有11宗買賣，較前周23宗勁減52.2%，一半屋苑包括鰂魚涌康怡花園、鴨脷洲海怡半島及紅磡黃埔花園等慘吞蛋。中原地產統計的十大屋苑亦僅12宗成交，按周少42.9%。
中原高級分區營業經理邱少明稱，美孚新邨8期百老滙街112號中層C室俗稱「凹海」海景靚貨，1779方呎，於周六晚以1380萬元賣出，呎價7757元，政府出招前「業主都係收實呢個價」，出招後都不減。買家是美孚換樓客，覺得「出咗招仲穩陣，政府驚爆煲先出招啫」，即使要坐足三年「SSD監」（新辣招下，特別印花稅年期由兩年延長至三年），但「自用冇乜所謂，又唔係炒」。
另消息傳出，將軍澳中心9座高層F室，546方呎，周六晚亦以452萬元易手，呎價高達8278元，創同類兩房戶歷史新高。
兆禧苑錄「茅招」交易
將軍澳更有人在政策前出貨，政策後即入貨。中原地產首席分區營業經理何世彬表示，一名本地換樓客在本月出招前以460萬元沽出新都城兩房戶賺135萬元後，昨日見將軍澳中心2座一個中層617方呎單位減價20萬元，即以460萬元購入，換樓無懼政府新招。
部份買家更出「茅招」入市。消息稱，屯門兆禧苑一個462方呎高層戶，周六以198萬元天價售出，呎價高達4286元，創屋苑歷史新高；但有指買賣雙方將買賣日期定為「10月26日」，以避過新辣招。
太古城一城錄減價個案
美聯助理聯席董事施衍銘稱，太古城高安閣頂層連天台兩房則王，675方呎，政府出招前叫價企硬808萬元，但出招後即減價53萬元至755萬元賣出，呎價11185元。
中原地產區域營業經理黎宗文表示，沙田第一城20座低層G室，395方呎，原叫價308萬元，昨劈價近一成至280萬元沽出，呎價7089元。另北角和富中心1座低層D室，956方呎，勁劈300萬元至1200萬元放售。
美聯集團住宅部行政總裁陳坤興表示，自政府上周五連推兩項打壓樓市措施後，包括加強版額外印花稅（SSD）及向境外人士徵收15%買家印花稅（BSD），樓市氣氛即轉趨觀望，但暫時業主普遍減價意欲不大。中原地產亞太區住宅部總裁陳永傑則稱，雖然政府再出招，但買家入市意欲仍在，只要業主願意調低叫價約5至10%，放盤仍獲買家快速承接。