徐子珊昨日在上海贏得「壹基金慈善明星賽」女子組賽車冠軍，但仍未能為近日遭網民狂批的她冲喜，昨日又有眼利的觀眾發現《雷霆掃毒》有穿崩及犯駁位，其中一場戲是講述阿Pat（徐子珊）向林峯哭訴之後，阿Pat便失蹤，林峯和官恩娜拿着她的相片四處尋人，但卻意外發現相中人其實是《法證先鋒3》的Madam Ling，從髮型和狂咀吳卓羲的紅唇戰衣，一看便知。而阿Pat在劇中十分憎恨毒品，但被人打毒針後不是立刻戒毒，而是沉淪毒海，違反人物性格。加上警方一早知道子珊為拆家運毒，但卻能大搖大擺將白粉放落旅行袋。
不過，苗僑偉昨日在佐敦出席活動時，卻為子珊解畫：「出1秒好正常，唔使鬧，觀眾期待佢畀人強姦，但電視尺度點會畀你睇到，唔係拍3級4級電影，我知嗰幕拍咗成分鐘，不過如果真係播晒出街又係會有人投訴太過暴力入肉，所以應該點到即止。」
採訪：魯萍
