【本報訊】港島西區水街斜路，昨午又發生驚險車禍，一名女子駕駛自動波私家車接載身穿校服小親友，沿斜路落斜失控，衝越百多米遠，最後撞向鐵欄打轉，車頭損毀冒煙。女司機驚慌過度以為燒車，事後因行車證過期遭警方票控。她事後報稱肇因疑拉起手掣行車，導致煞車系統過熱所致，但真正原因，尚有待調查。
記者︰胡恩宏
失事豐田WiLL Cypha私家車，由43歲姓鄭女子駕駛，鄭女事後嚇得魂飛魄散，向警員講述意外經過仍口震震。同行10餘歲身穿校服小親友驚魂稍定，大聲道︰「唔好咁驚啦！」警方發現私家車行車證，早在7月21日屆期，過期達3個月，事後作出票控。
昨午2時許，鄭女駕車接載小親友，擺烏龍忘記鬆手掣，行駛一段距離後，煞車系統過熱失靈。私家車沿西營盤水街落斜至第三街路口開始失控。
專家︰可入P波減速
汽車沿水街斜路越衝越快，鄭女無法將車煞停，嚇得心慌意亂。私家車直衝逾100米遠，連續衝過第二街與皇后大道西兩個街口，至水街東利大廈對開撞向鐵欄，車頭嚴重損毀，車胎爆裂，車身反彈出馬路180度打轉，逆向擱在一間酒店對開。
私家車水箱撞爆，引擎被水沾濕不斷冒煙。鄭女誤會汽車起火焚燒，報警大叫救命落車走避。消防員趕至，發現純屬誤會，無人受傷，收隊離場。
香港汽車工業學會會長李耀培指，部份舊款汽車，手掣與腳掣可能共用同一煞車系統，長時間拉起手掣行車，可能導致煞車系統過熱失效，無法即時踏腳掣將車煞停。
李呼籲司機，行車要留意錶板燈號，證實已經放鬆手掣，遇上同類情況，要保持冷靜，入L或P波，透過波箱操作減速煞車。
