狄波拉（拉姑）昨日61歲生日，特於前晚於意大利餐廳舉行生日派對，子女謝霆鋒和婷婷齊齊賀壽，不過孫仔Lucas和Quintus則隨張栢芝到加拿大而無緣為嫲嫲賀壽，生日派對於凌晨12時許結束，拉姑還拉着子女讓記者拍照，心情靚爆。
「都有曬太陽」
婷婷前晚亦出席時裝活動透露是霆鋒做完切除皮膚癌後才知，她說：「佢唔係直接同我講，係同Andy傾偈時講開，當時未識驚，之後會擔心，因為可以好大件事。」問她可會擔心家族有遺傳病？婷婷說：「我哋屋企人個種都好健康，嫲嫲都有一百歲，自己定時有做身體檢查，都有曬太陽。」問到手術後母親可有湯水給哥哥飲？她：「唔知道，但媽咪有提過買搽頭生髮嘅嘢畀佢。」
採訪、攝影：顏英儀、梁繼光