小馬班主古賓（圖）出名多嘢嘈，搞到成日俾聯盟罰錢。不過，近日聽到聯盟總裁史坦會喺2014年退休，古賓點可以唔出嚟抽水？早前呢位牙擦班主接受訪問，講笑話史坦走咗之後，佢一定唔會畀人罰咁多，可以慳唔少錢。佢仲話史坦曾經講過，多得古賓13年小馬班主生涯，搞到自己成頭白髮；古賓最後笑笑口話，史坦正式退休個日，頭髮一定即時變黑。