唔少梁粉喺狼振英當道後，獲委任公職作打賞。但同樣挺梁有功嘅高志森卻竟然冇收穫。揚言狼振英可以幫到香港人嘅高志森，喺噚日政府嘅最新旅發局成員名單中被Out，反觀同高志森同期加入嘅委員，全數有得留低。
細看之下，原來成員名單係財爺曾俊華獲授權「話事」。原來如此！不過，高志森向來疏於出席旅發局會議，缺席率好高，相信係被Out嘅另一原因。
忠實梁粉民建聯黃定光就好威威，噚日獲狼振英委任為強積金計劃諮詢委員會主席。黃定光當日連民建聯仲未決定挺唐定係挺梁嘅時候，已經出席狼振英宣佈參選大會做佈景板。今日坐正做主席，狼振英都算係知恩圖報嘅人。