小馬今季球員出出入入，亂過亂世佳人，唔單止咁，連紀律問題都好有問題；上周一小馬對火箭嘅季前賽，後衞迪朗韋斯（圖）引發更衣室大衝突，已經俾球會處分，小馬嘅營運總監唐尼爾遜周四就宣佈，對佢無限期停賽，加上球隊也亦剛簽入前公牛、紐約人中鋒艾迪居里，睇個勢迪朗韋斯將會被開刀裁走。