朗尼家喺曼聯踢到風山水起，而呢位英格蘭紅人嘅親生細佬約翰朗尼（右），家都喺足球壇打滾；21歲嘅約翰朗尼之前曾經去到美職聯踢過紐約紅牛，不過就冇乜上陣機會。前排仲屬於自由身嘅約翰，日前終於得到英冠球會班士利賞識，同佢簽咗一年合約，仲將會着起26號波衫；班士利目前喺英冠中下游徘徊，就睇吓約翰可唔可以好似佢大佬咁，喺球會踢出名堂兼幫球隊爭取佳績。