行事要果斷，此路不通，勿拖拉，當然知易行難；睇雷丁今季聯賽7戰雖仍未開齋，但表現續有進步，小弟未肯放棄，信佢哋主場從來特勁，今迎富咸追多次。唔放棄嘅仲有上仗重點推介嘅韋斯咸，大炒完修咸頓後今晚作客韋根再獲受讓，望同捧場客齊添食。
乘勝追擊感覺當然比追波良好，韋斯咸上次恰場場星期美點嘅修咸頓，戰情其實未算太一面倒，只係韋斯咸呢隊個人認為暫時係英超最實際嘅球隊，下半場把握到幾個機會致勝；今次賠率由熱變冷，作客到韋根，仲有得諗。對手係英超想扮西班牙化中，級數算最低嗰隊，主場亦未見霸氣，今季4場不勝；當然韋根上次主場只僅被愛華頓逼和會「惹飛」，但愛華頓周日再作客僅和最弱嘅昆士柏流浪，證明愛華頓作客下游隊唔算叻。韋根前次主場亦負富咸1:2，富咸打法同實力與韋斯咸相若；韋斯咸多瓣安祖卡路爾嘅高空波，對住韋根嘅「雜嘜」西甲中堅拉米斯，又可以幫到「大佬」路蘭開到路咯，下周中更免踢已出局嘅聯賽盃，全心全意喺今場出擊，下盤兼客W兩注齊捧。
雷丁主場鬥富咸，牌面後者當然稍高，但富咸地頭蟲味濃，作客差幾成功力，上次作客修頓完場前被逼和有點不值；但今次對手雷丁，自己計比修頓稍高，尤其係主場。雷丁由今年1月尾還角逐英冠起，大半年計只喺聯賽錄得上月中負熱刺的一敗，上仗0:1敗走利記，其實有唔少攻勢可追和對手；嗰場保守打普格恩耶克單箭頭，若今次見羅拔斯或最危險射手、上場唔見影嘅路爾亨特掛帥，雷丁應該有誠意搶攻博開齋，[+1]穩開，進取當然博多注主W。
有些事有些情，不捨也應放棄，明起踏入歐洲冬令時間；好似聽晚馬略卡鬥皇馬，4點半開波，打完啱啱太陽出嚟，真係啲起心肝早啲搵周公好過。
（下次見報日期：30/10）
文：蘋果波神