如果法國總統提出的零功課全球化了，我們特區的小傢伙，放學後幹什麼？噢，虎媽怎能容忍「無功而還」，孩子書包未甩已經要趕下場，進補習社、練琴、操水、考劍橋英語、攻華夏圍棋、清華大學一級朗誦……到頭來比做功課忙得多。家長關心功課，我經驗得最多的，是每次遇到新相識，第一時間會問「你家孩子功課多嗎？」這樣的開場白，不同家長問了三年。功課多不多？簡直像格價。問功課量早已經取代N年代的「食了飯未」。而替我們清理垃圾的叔叔自從有了孩子，孩子考上小一後，不管是不是在斜路上，推着滿載家居垃圾的木頭車，也會停下來問我「功課」。估計假如樓下看更阿伯有了孫子，也會在我等電梯時追問「點呀，功課多唔多？」幸好現在他看到我們出街，會逗阿仔：「今日搞邊科？又係踢波呀？」每次我都扮慘苦笑回應：「踢波多過功課啊。」而升小三後，大人開始直接問阿仔，做晒功課未？溫書未？幾時默書？測驗幾多分？他面有難色答：「冇測過驗喎。」我在旁一臉得戚，誰知對方對我瞪眼：「咁，家長點知佢識唔識？」又係，以此類推，高官議員都應該測驗交功課，否則點知他們識唔識1+1僭建是犯法的！逢星期一至六刊登