今日61歲生日的狄波拉昨晚在上環新紀元廣場的Gaia意大利餐廳舉行生日派對，兒子謝霆鋒、好友李克勤夫婦及葉童夫婦等到賀，拉姑說：「本來今年唔諗住搞生日會，但有朋友話今年唔搞，下年佢唔喺香港出席唔到，講到咁，咪好啦好啦。」
提到霆鋒自爆患皮膚癌，問拉姑可擔心？她說：「梗係擔心啦。」記者指霆鋒已大步檻過，拉姑笑謂：「呢個係最大嘅生日禮物。」
霆鋒昨晚為拉姑賀壽，問Lucas和Quintus為何不出現時，他指兩子出了埠。囝囝會否補送禮物給嫲嫲？霆鋒說：「栢芝好有心，年年都會教小朋友畫啲嘢。」講到拉姑為他患皮膚癌落淚和心痛，霆鋒說：「過去就算。」其後拉姑走出來說要打救霆鋒，並說：「我生日願望係要阿仔健康。」此外，霆鋒前妻栢芝日前被讀者影到帶兒子Lucas和Quintus去加拿大玩，令人不禁有疑問就是Lucas又不用上學嗎？
採訪、攝影：梁繼光、吳耀輝