城電（CTI）早前以高薪挖走很多無綫藝人，繼盧海鵬後，70年代的當家花旦黃淑儀昨日在商台節目中大控訴，直斥TVB不尊重有經驗演員，無論戲份有幾重、演技有多好，都是被人忽略的一群。
現年63歲的黃淑儀近年由加拿大回流返港拍劇，早前與汪明荃演出無綫劇《巴不得媽媽》，有機會列入今年台慶頒獎禮的視后候選名單，但淑儀姐對獎項早打定輸數，昨日商台播出她接受吳綺莉的錄音訪問，她說：「由頭到尾都冇諗過攞獎，攞到視后又唔會加人工，拍完我又走。」
淑儀姐為角色經常實地考察，她說：「之前我去鴨寮街同上海街睇吓啲老闆娘嘅動作，拍《On Call 36小時》又會諗番起爸爸離世嘅傷痛。」淑儀姐年輕時美艷動人，如今要演師奶，她謂不介意：「乜嘢年紀做乜嘢角色，唔通叫香香公主扮六十幾歲老太婆咩？」
為汪阿姐留低
資深演員閱歷豐富，但在戲行經常被忽視，淑儀姐感觸說：「TVB非常唔尊重有經驗嘅演員，無綫係無論你喺劇裏面演技有幾好，成績有幾好，戲份有幾重，佢哋都唔會提吓你，所以流失好多資深演員。我都有心灰意冷嘅時候，我唔係話想出風頭或爭啲乜，但喺呢行打滾咁多年，我都想得到應有嘅尊重。家好多後生仔會咁諗，你都唔掂，早啲返去唞啦，但自己仲記得劇本，唔返去早唞住。」
淑儀姐承認王維基曾斟她過檔，但為與汪明荃（阿姐）合作，才繼續留在無綫拍劇，她說：「阿姐一路為呢個圈出心出力，佢始終係大姐大。」稍後她會演出《On Call 36小時》第二輯。
撰文：林妃