【本報訊】水貨客繼挑釁入境處後，今次把矛頭指向光復上水的市民。疑有水貨客把「反水貨客」人士的相片印成海報，貼在水貨客大本營晉科中心至彩園村的路上，下寫「各位走水貨朋友，注意此人劉XX，手持相機，專門舉報」。被「點相」的巿民擔心人身安全，已報警處理。
警列滋擾案處理
巿民劉先生昨午接獲網友提示，指在晉科中心附近單車路上貼滿了他的照片，至少10多張；劉聞言大驚，即時駕單車到現場求證，並致電報警，「張相嘅背景係晉科，嗰晚入境處採取風沙行動，嗰時我影佢哋，佢哋又影番我」。劉先生指，警方半小後到場，發現3張海報，即時撕走，「家貼嗰啲地方全部都係水貨客必經之路，佢哋絡繹不絕，個個都睇到，你話我擔唔擔心吖？絕對擔心自己嘅人身安全」。他引述警方指，未能採取進一步行動，「佢話唔構成刑事，家乜都做唔到，只可以話係滋擾，叫我有咩再報警。」入境處聯同警方周一進行第13次「風沙行動」，大舉掃蕩東鐵車站，以及被視為水貨客大本營之一的晉科中心。當時有內地水貨客公然指摘執法人員，亦有人明目張膽假扮記者，攝錄入境處官員樣貌。警方表示事件不涉刑事成份，列作投訴滋擾案處理。