樓價繼續創新高，但市場整體成交量則持續下滑，就以今期的「十大屋苑」統計數據為例，10個大型屋苑中有7個的交投量按周出現回落，部份屋苑更有持續性下降的趨勢，龍頭屋苑鰂魚涌太古城正是其一，這個不斷出現萬元呎價新高成交的經典老牌屋苑，亦無法避免價高市不爽的影響。政府不斷放風會出招調控樓市，無可避免會令市場出現短暫觀望情緒，但真正造成樓價高、交投少的尷尬局面，是需求大於供應的老問題始終無法得到妥善解決。可是，樓房供應非一時三刻可以填補，而現屆政府在處理供應短缺的問題上，亦顯得舉步維艱、缺乏遠見，面對社會上那種「要解決但又不准做」的聲音，想起也覺得頭痛！現時二手市場上，要搵個市場價位的正常單位，除了冇樓睇的連租約盤，交吉單位選擇也有限。預算有限的上車一族，如果將入市目標投放在市區地段，大型屋苑或知名物業幾乎行人止步，舊區單幢樓或二三線居屋，可揀選的單位亦買少見少，剩下來的似乎只有冷門物業可選，低至300萬元或以下仍然有得揀，不過，辛苦儲來的數十萬元首期，只可購入一個超迷你、低實用、環境雜的物業，「買唔買得落手」才是問題。今期「焦點故事」帶大家再一次掃描市區上車盤，為有需要在市區上車的一群，提供最新市況速遞。伍志輝mailto:[email protected]