時下世界各地嘅足球員，都好鍾意喺唔同嘅社交網站分享自己嘅點滴，西班牙兼巴塞隆拿中場小白恩尼斯達（圖）亦唔例外；咪睇小白平時怕怕羞羞咁，原來喺佢「面書」入面，都有將好多佢喺巴塞同平時嘅生活照公諸同好；日前讚好嘅人數更突破1,100萬人，小白隨即舉牌慶祝㖭。另外，巴塞球星美斯近日就邀請「粉絲」幫手設計佢嘅新戰鞋，仲話好期待盡快着起佢嚟比賽！