「我的幸運、我的命運，我所擁有，廣告，Inevitable。」這瘋傳的廣告對白簡直是萬能Key，無論科技多發達，品牌始終離不開廣告，有機構預期今年全球廣告增長率為4.3%。媒體傳播公司ZenithOptimedia指，除了報紙、雜誌，電視電台等媒體的廣告開支未來都會錄得增長，當中以網上廣告最強，料今年升16%，2014年更佔整體支出21.5%。雖然經濟麻麻，但亞太區（唔計日本）廣告開支每年有近一成升幅。不少品牌靠廣告食糊，跌落地獄的霸王集團（1338）曾經因成龍「動L」，上市即日升三成，但思捷環球（330）即使請來超模坐鎮，單月仍瀉近六成。品牌賣廣告，就好似Samantha炒股──一注獨贏，所以好彩Chanel冇上市，否則股價實冇運行，《搏擊會》和《情約今生》的畢彼特無可挑剔，但絕不是那個廣告中着住懶佬裇衫，唔剃鬚唔Set頭嘅買餸Look，強國人都未有咁重口味啩，Chanel行得Decent啲好嗎？Samantha本欄逢周一、三、五刊出