名模兼主持Heidi Klum年年萬聖節都落重本扮鬼扮馬，啲扮相遠勝哈囉喂啲假鬼。今年呢位鬼后提早公開萬聖節造型，就係扮埃及妖后。雖然Heidi套妖后裝都搵咗兩個人幫佢度身訂做，但同以前伊利沙伯泰萊個造型比就似乎比較慳皮，只係着到一身金色再披塊金色布，人哋頭頂巨冠，佢就頂住個丫叉，都係睇番佢早幾年啲look精采啲。Heidi以前鍾意孖埋前夫Seal扮嘢，今年離咗婚唯有單拖扮囉。
