立咗宵禁令，球員仲犯禁，當然抵罰，但好似雷恩咁嚴就真係少見啲。最近呢間法甲球會陣中兩位主力馬維拿（圖）同馬雲加，就喺國際賽期間違令出去玩，罰佢哋停一、兩場本身好正常，但教練安東尼迪竟然話準備罰兩人全季停賽，又話以後都再信唔過佢哋。老實講，有好多英超球會心儀嘅馬維拿可能一啲都唔驚，乘機喺冬季轉會窗時離隊㖭。