英國《太陽報》話，里奧費迪南（右）同安頓費迪南兩兄弟決定忘記恩怨，會同車路士嘅泰利（左）及艾殊利高爾和好，所以嚟緊下周日車曼大戰前，里奧會同A高握手；泰利就仲停緊賽，唔會上陣。佢哋幾個嘅恩怨源於泰利種族歧視里奧嘅細佬安頓費迪南；之後里奧幫細佬出頭，同泰利交惡，仲話力撐泰利嘅A高係「脆皮雪條」。