2012中國小姐大賽香港賽區總決賽，將於下月20日喺會展舉行，跟住23日會喺now100台播放。十強佳麗噚日着泳裝喺香港仔珍寶海鮮舫同傳媒見面，參賽佳麗靚唔靚就見仁見智，不過個個都係18至21歲，青春無敵，而最有趣嘅係，大會新聞稿寫明，10號張子敏係黎明初戀情人黃鴻琴嘅女兒，據悉黎明同黃鴻琴喺亞視訓練班認識。張子敏話：「我大個咗上網睇到媽咪個名，條題係黎明初戀情人，佢哋只係藝員訓練班同學、朋友，唔係初戀情人。」張子敏話參賽選美只係想開眼界，唔係想用媽咪嘅舊聞嚟炒作提升人氣，會靠自己努力。另外，9號余泳飛細細粒，但好有肉地，似足舉重運動員。撰文：洪紅克
