湖人季前賽打咁多場都贏唔到，搞到好多人都質疑佢哋係咪真係有力爭標。周三「洛城1哥」作客鬥「2哥」快艇，拜恩因為有腳傷而冇上陣，而懷特侯活（圖）都冇披甲。兩大巨星缺陣，湖人要贏只有基斯保羅輪休嘅主隊，真係有難度。結果冇頭蛇嘅湖人輸91:97，季前7戰皆北。賽後客軍教練米克布朗仲話，Kobe可能連開幕戰都打唔到，湖人今次真係大劑。