發死人財就聽得多，估唔到或者「受終正寢」嘅大埔龍尾灘都被「抽水」。有旅行社標榜龍尾灘即將告別，所以透過團購網站Beecrazy搞「惜別之旅」旅行團，128蚊遊龍尾兼享九道菜嘅鴿皇宴，似足政黨搞嘅旅行蛇宴。八方覺得，發龍尾灘財嘅旅行社唔算太跟得貼新聞、亦冇做足功課，事關佢哋喺網站宣傳時，大大隻字寫明：「政府公佈即將動工，將龍尾灘興建亞洲首個生態泳池，本旅團可說是一次惜別之旅！機會難逢！」實際卻係政府係要將龍尾灘改造成人工沙灘囉；而最新發展更加係：龍尾計劃未必上馬喎。如果唔係惜別遊，旅費會唔會更平？