馮仁昭四圍超：
余慕蓮爆琴姐唔拍劇 - 馮仁昭

李香琴日前喺屋企不慎第三次跌倒，家要喺屋企休養緊，琴姐嘅好友余慕蓮噚日接受商台電話訪問，佢透露上星期曾經到琴姐屋企探過好友，佢話：「之前知佢入院做手術，家有個女同工人睇住，精神唔錯，不過醫生就叮囑要佢瞓床休息，大家唔使擔心。」余慕蓮又話琴姐個女唔畀佢再咁辛苦拍劇，希望琴姐真係休息吓享吓清福。