知錯能改、善莫大焉，未掌司法panel就違規同秘書處私訂開會時間，一班議員唔嬲鼠王芬就假啦。八方聽聞，佢嘅建制派盟友私下都有抦佢，話佢做乜搞啲咁嘅杰嘢出嚟大家歎？鼠王芬都知衰，直認處理得唔係咁好。為免未來喺panel上繼續受靶，鼠王芬噚日趁再次開司法panel，四出向相關同事耍冧。身為panel副主席嘅公民黨郭榮鏗（Dennis），係佢頭號大和解對象。Dennis話呀，鼠王芬噚日親自就上次處理開會時間不善向佢耍冧，相信都係想藉此同佢修好，以免日後唔知點拍檔落去；Dennis重申對事唔對人，只希望司法panel喺人權法制問題上好好把關。