美股續因企業績差大跌，但港股重覆周一的走勢，低開高收，同時創出今年高位，氣氛繼續高漲。上升個股的數目比下跌的高出逾250隻，板塊輪動仍然持續，沉寂了一會的地產股再次發威，大市成交回升至逾680億元，資金湧港的效應，迫使不少投資者追貨。升市莫估頂，以現時大市的形勢，實在唔知升到幾時先調整，反正有貨，大可繼續享受升幅也。當然，當市場漸趨亢奮，我們亦要提高警覺，在追求回報時，也不能忽略風險管理，像之前所講，成交急升、大行轉軚、防守股跟升等都是一些提醒我們要開始小心的信號，而昨日H指突然大幅跑輸恒指，同樣是另一警號，所以筆者唔建議一般投資者在現水平貿然加貨，最多只係做吓換馬就算。
作者：張士佳、曾卓鋒（元大寶來證券（香港）客戶經理）