高盛上周公佈第三季業績扭虧為盈勝預期，連埋行政總裁布蘭克費恩在內嘅六名高層，隨即行使一批陳年股票期權，以高盛上周五收報123.62美元計，比行使價高57%，大賺1460萬美元（1.14億港紙）。
前僱員出書鬧唔爆
呢批期權擺咗10年，下月到期，如果班高層喺07年高盛做緊247美金時行使，咁就發喇。佢哋當時應該等緊高盛升上300蚊美金，邊個諗到有金融海嘯吖，好彩高盛最近升得唔錯，執番少少算啦。
呢個故事就係教訓大家咪咁貪心，但高盛貪心唔算新聞，前僱員Greg Smith今年初曾大爆高盛為賺錢不顧道德。佢本新書《Why I left Goldman Sachs︰A Wall Street Story》最近出爐，繼續鬧，有人反指本書冇料到，轟Smith做嘢唔掂，出書博出名，真係各有各鬧！