打工仔難撈，iBanker跳出投行，從此高薪厚職不再是保證，令生活中一分一毫都要計過度過。Danny表示，目前請人是最大困難，最低工資下，年輕一輩怕辛苦，不願加入餐飲業，老一輩則嫌金鐘這個區離屋企太遠。「家員工最平都要30蚊個鐘，仲話要加到35蚊，即係我冇45蚊都請唔到人。」目前毛利率為60%，扣除其他開支，利潤率只得幾個百分比。
取消晚市轉攻早餐
「便當工房」高峯時日賣300個飯盒，每個月生意額高達30多萬元。不過，近月附近有新競爭對手加入戰場，令生意額大減三成，店舖陷入難關。Danny決定變陣，即將取消晚市，攻早餐市場，「呢一刻我知我唔會係一個好成功嘅商人，因為我唔夠奸。我要有生意道德，惟有執好個餐牌，維持毛利率。」