《喜》─36歲嘅烏克蘭名將舒夫真高今夏歐國盃決賽周後決定掛靴轉戰政壇，並加入國內嘅前進黨。由於後生又係靚佬一名，加上知名度高，所以好快成為黨內嘅第2號人物。日前佢喺基輔演講時，表現出大將之風，而且有好多市民問佢攞簽名（圖），鬼咁受歡迎。睇嚟未來日子，球迷會成日喺國際新聞，見到呢位前AC米蘭同埋車路士前鋒。