馮仁昭四圍超：
王祖賢拖仔浪漫遊 - 馮仁昭

現年45歲嘅美人王祖賢，04年前退出影圈，移居加拿大過簡單生活，不過王祖賢唔驚悶，近期似乎投入新戀情，喺當地搵到新男友。近日有網友喺微博上載多張王祖賢嘅生活照，素顏清純嘅王祖賢依然迷人，身邊有位年約30多歲、眼矇矇嘅華裔男子，據網友講，矇眼男係自己哥哥、王祖賢讀語言班嘅同學。

四季都一齊

王祖賢同矇眼男形影不離，照片顯示，佢兩個一年四季都一齊，由夏裝tee着到冬天羽絨，而且兩人留影嘅地點，全部都係浪漫拍拖勝地，好似花園木椅、海岸長堤、湖邊度假村等，最啱二人世界。王祖賢雖然45歲，但同呢位男伴一齊一啲都唔突兀，反而好有親切感。王祖賢經常輕倚矇眼男，間中仲會托腮、舉V扮可愛。不過，啲相曝光後，網友近日已刪去所有相，唔知係咪怕戀情見光死。