【本報訊】民建聯立法會議員陳鑑林被揭一再知法犯法，其位於黃大仙沙田坳道的丁屋豪宅，去年因僭建天台屋及花槽被屋宇署「釘契」。惟他無視屋宇署發出的清拆令，明知單位不符新界村屋僭建物申報計劃資格，4個月前仍「博懵」申報，圖換取5年寬限。陳鑑林昨死不認錯，稱「全世界都有好多僭建啦」，還發惡鬧傳媒「有心整佢」。
陳鑑林與家人居住的沙田坳道十二笏村丁屋，去年5月被揭發僭建天台玻璃屋及屋外花槽。屋宇署在去年8月已向陳鑑林發清拆令，限於30天內清拆涉違反《建築物條例》的玻璃屋及花槽。但陳一直懶理，拖延足足超過一年仍不拆僭建物。屋宇署於去年10月因他違反清拆令，將其丁屋「釘契」。
「有乜理由發清拆令畀我？」
陳鑑林去年被揭發大宅僭建時，曾高調揚言，「我有僭建嘅話，一定會拆嘅」。事隔一年，他卻出爾反爾，昨接受傳媒查詢時自稱「依法辦事」，並非知法犯法，但無意清拆僭建物，「我嗰時係話，如果係僭建，佢需要我哋即刻拆就會拆。全世界都有好多僭建啦，咁家有個申報制度吖嘛」。
他指今年6月已主動參與「僭建物申報計劃」，向屋宇署申報丁屋有輕微僭建，但承認曾收過屋宇署清拆令，也清楚丁屋被釘契，「咁有乜理由要發（清拆令）畀我先得㗎，我係咪有即時危險吖？我都係根據佢申報規定去做嘅」。他越說越囂張，還狂鬧傳媒一再揭發他僭建，「呢件事根本唔係咩大事，你哋又覺得係大事。有啲媒體有心整我，我冇所謂㗎，唔緊要㗎」。
屋宇署拒絕評論陳鑑林個案，但發言人指出，原則上業主收到清拆令，即代表其僭建情況屬嚴重和具較高潛在風險，不能透過申報計劃豁免清拆僭建物。
中文大學政治與行政學系副教授馬嶽表示，陳鑑林身為直選議員，有必要向選民解釋拒絕執行清拆令原因。他又指特首梁振英「其身不正」同受僭建醜聞纏繞，令市民以為僭建法規只是「無牙老虎」，將打擊當局日後執法。
陳鑑林「惡霸」語錄
2011年5月13日：
‧「間間村屋都係咁啦……唔使申請，不嬲都有」
‧「我有僭建嘅話，一定會拆嘅」
2012年10月22日：
‧「全世界都有好多僭建啦，家有個申報制度吖嘛」
‧「呢件事根本唔係咩大事，你哋又覺得係大事，有啲媒體有心整我，我冇所謂㗎，唔緊要㗎」
資料來源：《蘋果》資料室
