足球員成日都會出自傳賺錢，已經去到司空見慣嘅地步。不過，講真球員可以爆幾多料，睇多本都會悶。曼聯前鋒朗尼早前推出嘅新書《我在英超的十年》（圖），本書都出咗一排，但係最近出版社證實，佢哋只係賣出咗大約6,000本，嚴重滯銷。最大鑊係佢哋同朗尼有12年500萬鎊（約6,200萬港元）嘅長約，成個系列有5本書，家先出到第2本，真係唔知仲要蝕幾耐。另外，朗尼隊友里奧費迪南都唔好得幾多，佢上場比賽唔肯着Kick It Out件tee鬧事，領隊費格遜口話唔追究，不過費Sir出名小器，周二歐聯對布拉加唔知里奧有冇正選呢？