傳統話我知，男性專影人像攝影是天經地義；但今時今日，穿裙子買相機嘅女孩，比例越佔越多，唔少仲係專業級大師！好似幫過唔少Artist影相，甚至舉辦過星級慈善相展義賣嘅戴妮廷Eydie，就對人像攝影情有獨鍾；佢教路：「影人最緊要夠親近，唔可以有隔膜！」 記者：陳國輝 攝影：譚盈傑
黃金定律：燈光+甫士
打開娛樂版，可能你同我都聽過佢名字，全因Eydie曾經幫過好多藝人及歌手拍過照，而最多人認識的，應該係作為鄭秀文嘅御用攝影師！「其實一直以來，除咗Sammi之外，我亦同過好多Artist合作，記得在2010年嘅慈善相展義賣活動，我就搵咗昔日幫陳奕迅、Twins、陳冠希及謝安琪等嘅拍攝作品參展。」 Eydie更說印象最深刻的，要數到去台灣幫杜德偉拍攝那次，「其實我同佢識咗好耐，因為想畀個驚喜佢，所以開工當日佢遇到我，仲以為係咁啱撞到！」
人像攝影對一個女仔嚟講，究竟係咪咁難？Eydie話攝影器材固然影響相嘅質素，但技巧就只有兩種！佢認為燈光好重要，例如背光，會完全遮蓋被攝者嘅外貌特質；強光或正光，則令面部輪廓無咁明顯，甚至會影得好肥好大隻，所以燈光必須調校得宜。其次係甫士，佢解釋唔只係模特兒動作，記得有次影Outdoor時落大雨，佢立即提議去到簷篷下拍攝，感覺很浪漫，最緊要唔怕弄濕全身，效果好好。
旅行必備：細機配Slim硬碟
除了Studio工作，Eydie亦經常到唔同地方取景拍攝，所以即日過相落電腦，幾乎係每日指定動作！「講真，唔見咗啲相我真係會喊！」佢話身為攝影師應配備至少一個外置式硬碟來儲存大量照片，「我鍾意用體形纖細，又薄又輕嘅設計，方便攜帶；但由於我影嘅每一張相容量只得1MB左右，所以對容量要求唔高。」當中G-Technology推出嘅一系列外置式硬碟，幾可肯定不足10mm厚嘅500GB容量G-DRIVE slim，好適合Eydie。
查詢： http://www.g-technology.com
Eydie至愛三寶
Canon 5D Mark III
身為專業級相機，但由於機身重，Eydie多數工作時才用到它。
Leica D-LUX 3
點解鍾意？主因佢夠細部，而且屏幕比例為16:9，好有電影感覺。
Casio EX-TR150
又稱自拍王，Eydie平日好鍾意拎住佢扭來扭去，陪班朋友影自拍。
