歐聯名牌列陣，這邊廂英冠快車期亦屬大場面。呢個「爛路」聯賽，有實力者上次意外敗陣，反而今次分多幾蚊更值推敲；今次重心，狼隊及黑池返主場收復前失。英冠打咗11場，接近賽程嘅4分1，大亂局仍然係每屆必然出現嘅境況，第１嘅李斯特城同第12位嘅黑池現只相差6分；小弟早前看好嘅黑池，近況轉沉，信因靈魂人物、領隊荷路威被冇帥嘅布力般撬致軍心不穩有關；佢跳唔跳糟，同小弟貼咗熱刺，但突然有加里夫巴利陪老婆生產唔鬥車；或者貼咗紐記，入波後中場迪奧迪無厘頭攞紅牌，在賽前一樣是個謎。但信黑池架構建立了好一段時間，實力足在英冠稱王，勁勢稍回非壞事；對手森林上仗突神勇殺低前領頭羊卡城，班波今屆大搞，野心不少，但黑池發揮正常水平，現階段森林不易連捷。重心取狼隊，同黑池唔同，挪威新帥蘇巴根逐步建立自家班底，今屆因放走射手史提芬費查，獲取大量資金重整軍容；上仗敗走升班後朝氣勃發嘅哈軍，今次返有惡氣嘅主場鬥上仗苦戰險勝布城嘅保頓，英冠逆思考管用，少讓平/半，全日重心。(下次見報日期：27 /10)蘋果波神
今周精選
《正》狼隊上《副》黑池勝《冷》黑池勝[-1]