小小超李澤楷最近再度成為金融市場焦點，事關佢旗下嘅盈科拓展，上星期五落實以167億收購荷蘭國際集團（ING）香港、澳門同埋泰國保險業務。同一時間，強迫金半自由行下個月正式開波，ING作為受託人之一，亦全方位賣廣告搶客，最近仲為紅白藍色嘅雪糕車換上一身橙裝（圖），唔係見到有學生攞住支甜筒，真係唔知係雪糕車囉。唔知小小超第時會唔會親身落場，一路唱《食軟雪糕》一路推銷MPF？以佢深入民心嘅潮人形象，由IT人變為保險人，肯定可以先聲奪人。