【本報訊】本報取得DBC今年2月及4月董事會詳細內容揭示，黃楚標在特首選戰前樂意繼續注資，梁振英當選後隨即「變臉」、有意「縮沙」。據了解，黃楚標在2月底董事會上聲言「寧願借多幾千萬返嚟做」，平賣數碼收音機擴闊聽眾群，又承諾「盡力支持」鄭經翰；但他在4月董事會、即梁振英當選後不久卻忽然轉軚，聲言需時考慮是否注資，「如果我係想走，唔擺（注資）啦」，又批評DBC節目方針：「如果我哋做，唔會好似大班咁鬧政府。」DBC爭議最終極可能在法庭解決。鄭經翰早前指控黃楚標拒按原定計劃注資，正籌募訴訟基金；黃早前入稟，要求法庭確認他拒絕注資5,000萬元的做法並無違反股東協議。大律師陸偉雄解釋，若股東之間有共識繼續注資，但有人反口，其他股東有權質疑他違反股東協議，但法官必須釐清承諾是否有其他條件，「例如本來諗住可以睇住盤數，又唔畀我睇，咁就未必需要履行承諾。」而有關內容的足本錄音將成重要呈堂證據，一旦裁定有人違反協議，則視乎申訴一方要求，「再注資唔係冇可能，但如果間公司已經冇咗、或者雙方冇合作空間，其中一個可能係賠償損失。」