上周五英冠錫周三主場對列斯聯場波，主隊門將卻克蘭（左）踢到下半場，俾客隊球迷衝入場內襲擊；事件轟動球壇，英國警方已經立即調查。受害者卻克蘭上周六作出回應，話只係以為條友走埋嚟講兩句就算，完全冇諗到佢會出手打人。佢仲話堅持踢完比賽之後，先感到件事幾得人驚，而最怕嘅就係屋企人見到佢出事。