鄭融噚日一早去到迪士尼參加5公里慈善跑步活動，雖然要晨早起身，但鄭融依然表現得精神奕奕，仲話迪士尼附近嘅環境好優美，一路做善事一路欣賞咁靚嘅景色，真係一舉兩得喎。一向有做開運動嘅鄭融，結果以37分42秒完成5公里嘅賽事，能夠以呢個時間完成全程，成績算係唔錯，不過最主要係個活動可以幫助到其他人，成績大家都唔會太在意嘅。