樓市升唔停，運輸及房屋局局長張炳良稱為奇怪現象，本欄則認為樓市長升不怪，皆因經濟好。何出此言？因為的士服務水平又回到90年代。
當年同區上落會被司機「藐」，今日更強，以為短程面黑，長程會受歡迎，誰不知一聽地點便推說「唔夠氣」趕客落車。的士司機比90年代更強勢，試問樓價點會唔升越當年水平？
不過，真正疑問在於張局長指需要時會加強出招，梁特亦稱已有方案在手。先別管之前梁班子「做嘢打爛嘢」的客觀現實，早前里昂一篇本地地產分析文章，指梁特專登令政策失敗，以求取得共識。
今次再推新招，是為了凝聚更多共識而再次失敗？還是終於認真出手？但按照班子的往績，梁粉們應有中原指數見200的心理準備。
上周五瑞信發報告，相信若進一步增加或延長特別印花稅只會推高樓價，但可減少市場成交，又指政府會推出更多措施壓樓市，但不會視為風險，因投資者已預期無效；阻止外地人買樓亦無效，因今次升幅由港人帶動。
往績平平跟唔過
至於股份則推介合和實業（054），上周五升2%收31.35元。報告指公司不再「瞓着」，合和中心二期動工及利東街項目吸引投資者注意，故維持跑贏大市，目標價由32.90元升至38.90元。基於分析員中線平回報僅0.93%。本欄宣判，唔跟！
高明