【海口直擊】《教父3》男星安迪加西亞（Andy Garcia）夥拍職業高球手Matt Kuchar等，力壓綠燈俠賴恩雷諾士（Ryan Reynolds）、金像影帝艾德烈邦迪（Adrien Brody），獲得高球賽團體冠軍，至於全程既chok又型的苗僑偉，則獲得以型格取勝的安慰獎。
近百中外明星及金牌選手雲集的觀瀾湖世界明星賽，昨日結束，《教父3》男星安迪加西亞夥拍職業高球手Matt Kuchar等組合，擊敗中西明星級球手，包括綠燈俠賴恩雷諾士、金像影帝艾德烈邦迪（Adrien Brody）、籃球明星姚明和韓星鄭雨盛等，獲得高球賽團體冠軍。
高球年資27年
安迪在頒獎禮上一臉高興，他說：「打了高球27年，97年拿過同類型的明星賽獎項，不過今次奪獎特別開心，因為建立了友誼及美好回憶，更從拍檔學到技巧。」另一邊有份參賽的苗僑偉雖技不如人，不過憑他chok爆的型look，獲大會頒發最佳着裝獎作安慰。
楊紫瓊不從政
此外，楊紫瓊和台灣女星陳妍希等前晚出席內地名導馮小剛與華誼兄弟及觀瀾湖合資的電影公社慶祝活動。有消息指楊紫瓊會拍攝電影《轟天猛將》（The Expendables）女版，她笑說：「我諗最緊要睇劇本，呢部係代表作，畀我參加當然好，都想拍好戲，不過未收到消息。」有傳楊紫瓊會在馬來西亞從政，她即否認：「梗no，政治家係好唔同嘅生活，一定複雜，講嘅嘢唔係代表自己，唔似公民，揀乜都得，做政治家多人睇住，唔係我理想。」
記者提到楊紫瓊左手戴上婚戒，她笑說：「係，你哋見過，不過未結婚，我好enjoy佢成日求婚，一個禮拜有一日會做呢樣嘢，sign嗰張paper對自己同社會係咪重要，生BB就要畀正確身份。我哋大個，唔需要住，開心就得。」是否生BB才結婚？她說：「唔係，自己好幸運，好多姪仔姪女。」
採訪、攝影：唐如
