雖然內地需求似有回暖迹象，但有廠家認為，其經營情況仍遠未見底。香港工業總會副主席劉展灝表示，9月中國出口數據反彈只屬個別事件，不代表最壞情況已過，他擔心若淡市持續，明年初將出現工廠結業潮。
劉展灝向本報表示，現時無論是從事出口抑或內需的香港廠家，均面對非常嚴峻的經營情況，「定單本身已經唔得，家人民幣仲要升㖭，仲因為人工貴，好多廠家一路都請唔夠工人做嘢，情況真係好唔樂觀。」
定單反彈因延後付運
對於9月出口定單出奇地反彈，他表示，純粹是因為歐、美、日客戶將付運日子一拖再拖的結果，「因為經濟前景唔明朗，無論係美國、歐洲同日本客戶，都不停將付運日期推後，但又發現若唔落單，就趕唔切感恩節同聖誕節檔期，所以咪搞到要塞晒去9月先落貨，咪出現咗個反彈嘅錯覺囉。」
歐、美、日出口唔掂，劉展灝指專做內需定單的廠家經營狀況相對較好，「甚至比中東同南美等發展中市場，中國都叫仲有增長，但幅度其實都已經大不如前。」
他說，若果現時慘淡情況持續，一定會有廠家「頂唔順」要結業，「若果感恩節銷售情況理想，最快會到1月接到返單；但若果銷情仲唔得，1月無返單，明年初好大可能會出現廠家結業潮，真係再捱唔到落去。」