想成功？先問問自己面皮夠不夠厚，膽子夠不夠大。80後唱作人黃靖，能成為人山人海旗下歌手全憑面皮厚，拿着結他走到黃耀明面前獻唱自薦；兩度成為香港十大傑出設計師，亦是靠大膽設計闖出名堂。這回，他繼續挑機，獲邀擔當時裝課程客席講師，講明課堂重吹水，要將厚面皮精神薪火相傳。
記者：趙琦
藝術學院教開竅
黃靖（Jing）新學年將擔任薩凡納藝術設計學院（SCAD）香港分校的時裝課程客席導師，該校同期的客席導師還包括獲美國第一夫人米歇爾奧巴馬及多位影星賞識的美國著名設計師Mimi Plange。下月便開課，黃靖至今仍未預備授課內容，卻開宗明義表示：「我唔會教理論、technique（技術）嘅嘢，呢啲大把人叻過我，唔使我教。」
他補充：「我要教佢哋開竅，點樣啟發、刺激思維，最緊要係有創意。」作歌寫詞要創意、設計衣服要創新，只要有諗頭，任何感覺都可以幻化成概念，然後變成實物。
Jing以一級榮譽畢業於倫敦中央聖馬丁藝術與設計學院舞台設計系，並在倫敦中央演講與戲劇學院修讀碩士，天生愛表演，教書亦儼如出show，「教書角色似導演，我讀舞台設計及導演，我好鍾意做導演，課室好似排練室，學生就係演員，我要教佢哋搵到想要嘅嘢。」
從無到有一路走來，Jing眼中的成功秘笈只得六個大字——厚面皮、唔怕錯。從街頭獻唱到染指歌壇出個人大碟，Jing年前出道時已承認，全賴厚面皮跑到黃耀明面前獻唱，博得試音機會；自家創建的設計品牌Daydream Nation能成為國際品牌，揚威海外時裝展，則憑大無畏精神。
望學生識唔怕錯
「希望學生可以學識唔怕錯，喺香港我認識好多人唔敢做一樣嘢，係因為驚做錯，但做設計係冇得話驚，有時甚至乎你專登錯，你咪係前衞囉，你覺得啱嘅嘢咪即係全部人做過，有人着過，所以你先覺得安全、係啱嘅，有時你越錯其實越好。」
他聳一聳肩膀，洋洋得意地說：「我車咗一件嘢出嚟，未必係一件衫，可能求其搵塊布車啲奇怪圖形出嚟，Kay（家姐）會拎上身玩，可能明明件衫呢邊係領，佢就專登掉轉嚟着，點知個效果又好好，我咪喺另一邊加番個領，件衫變咗兩邊都着得。我原本唔係諗住咁做，但就係因為我哋夠膽用錯嘅方法去試，最後咪變咗一個比較特別嘅設計。」
踏入課堂會有怎樣的驚喜，天曉得，「我冇諗過會撞到fans，但都有老師話，有學生都係玩音樂，叫我哋一齊jam歌。」