美國真人騷女星兼歌手Heidi Montag,上月先至同過老公Spencer喺沙灘騎馬打晒車輪浪漫慶祝26歲生日,佢前日就撇低老公去咗拉斯維加斯一間夜店睇脫衣舞,佢雖然唔係睇大隻舞男表演,係睇脫衣舞孃做騷,但一樣好high。Heidi喺兩位女舞蹈員面前扮晒富豪拋銀紙,又將銀錢塞入舞孃底褲邊同胸圍度,佢哋三個仲玩到攬來攬去,場面火辣又搞笑。