威華達（622）揸住港華燃氣（1083），家底與日俱肥，抵搞。威華達到今年6月底，仲hold住港華1.95億股，港華上星期最高見6.25元，創出金融海嘯以嚟新高，以威華達最新揸住港華1.87億股計數，都等值近11.6億銀，兼且相當於每股0.16元。威華達家陣股價幾多？得9.9仙咁大把。集團揸住隻金蛋，潛在變現及套利，真係啖啖肉。再講，威華達本身又揸住淨現金12億銀，加埋所有高流動性資產嘅潛在變現，高達29億銀，股價細細粒，但係超級現金牛，足夠日後變身，市值斷估唔係呢個晒士。又呢轉細價嘢熱身，而威華達又啱啱破咗半年橫行頂，係咁意博翻半番到0.15元，NAV折讓仲係超過七成，實情仲有大把向上收窄空間。
中策整固宜收集
中策集團（235）到今年6月底嘅淨現金，高達5.85億銀，集團家陣市值幾多，講緊都係6億銀左右。即係話，中策每股淨現金，幾乎等同現價（0.168元），又係另一隻現金牛。而集團經呢個月頭炒升一轉後，正係唞唞整固緊，趁資金埋身作第二波抽升前收集，短打博升20%到0.20元，P/B 1倍鬆少少，仲係好安全。錢雋