世界難撈，家吓啲工，份份唔係要求碩士就係學士，精通兩文三語，但論要求高，莫過於最新一份「袁彌明（Erica）貼身私人助理」嘅「筍工」，全數符合佢嘅條件真係十項鐵人。唔少網民都話，Erica唔易服侍，即使《穿Prada的惡魔》中嘅女下屬有真人版，都未必有資格應徵。Erica噚日喺fb全球招聘「貼身私人助理」，係要分擔佢間生活百貨舖頭、人民力量、選民力量、慢必陳志全議員辦事處、同佢嘅私人事務。
電郵帳戶唔能夠太可愛
做Erica跟班要有十項鐵人條件。如果用緊hotmail同yahoo電郵申請呢份工，閣下會即時被叮走，因為Erica話，「能夠忍受咁差同效率低嘅mail service，一定唔係我要搵嘅人」。應徵者除咗一定要用gmail，同埋記住email個帳戶名稱唔能夠太可愛，如「andrewbaby524@gmail」會即時被踢出局。其餘8個條件，包括打字快、識用微博、fb、dropbox等一系列網上、手機功能。雖然呢啲條件唔少宅男都有，但係Erica仲要求應徵者要識落廣告、訂宣傳紀念品、book酒店房、機票、識會計兼人力資源規矩，「（應徵者）要非常有交帶，唔會做漏嘢，學嘢快，可以multi-task，做開私人助理同秘書獲優先考慮」。唔辛苦點得世間財呢？有網民噚日問Erica畀幾多人工請人？答案竟然係時薪60蚊。八方計過，返足30日唔放假，日日做足10小時，月薪18,000蚊，唔少網民都嘲諷Erica，議「袁」咁巴閉，不如請狼振英、或者李嘉誠個秘書過檔仲好啦。mailto:[email protected]
袁彌明「私人貼身助理」十大條件
1.唔可以用hotmail、yahoo mail嚟收發電郵2.電郵地址唔可以太cute，例如[email protected].中英文要好4.打字、上網要快5.熟悉gmail、google doc、google calendar、dropbox、微博、facebook6.識得落印刷媒體、網頁廣告7.識得訂造宣傳紀念品8.略有人力資源知識9.略懂會計10.識得訂機票、酒店
網民洗版
Nelson Mok不如請個AO（政務官）。Kaima Ng我建議你做我助理，要求同你一樣。Teddy Tang一個人有齊咁多條件都算稀有。Patti Lee李嘉誠私人助理的條件啊！Gubie Hon無五皮（5萬元）都唔做啦！Mei Mei Koo梁振英都幾好㗎！請佢啦。節錄自袁彌明facebook留言