隔牆有耳:田少眼紅 狂插葉劉背叛選民 - 李八方

隔牆有耳:田少眼紅 狂插葉劉背叛選民 - 李八方

狼振英幾日前宣佈搵葉劉同林健鋒入行會,好多商界都話冇眼睇,因為葉劉同林健鋒喺立法會入面得兩、三飛鐵票,狼振英咁樣都畀佢哋入,其他手入面多票過佢哋嘅人,又點會唔眼紅?果然話口未完,喺立法會有五票在手嘅自由黨榮譽主席田北俊,噚日喺電台節目中就狂踩葉劉,話佢作為直選議員,答應選民監察政府,家走去做行會成員,如果日後行會決定同民意唔同,葉劉因為行會保密制,都唔可以同選民交代,睇下劉江華做行會之後唔可以批評政府,最後喺超級區議會選舉輸咗就知大鑊!不過有政界中人就陰陰嘴笑同八方講,田少邊有咁好心提醒葉劉!不過係見到葉劉揸住兩票有得入行會,自由黨有五票都冇得入,酸葡萄之下咪叫葉劉咪開心住,小心睇路做人!